Təlim zamanı iştirakçılar hüquqi yazının anlayışı, hüquq elmi və hüquq praktikası üçün onun əhəmiyyəti barədə geniş məlumat əldə ediblər. Eyni zamanda hüquqi yazının növləri – qanunvericilik aktları, məhkəmə qərarları, müqavilələr, ərizə və şikayətlər, hüquqi rəylər və arayışlar kimi sənədlərin xüsusiyyətləri və tərtib qaydaları izah olunub.

Vəkil Sevinc Əliyeva hüquqi yazının yalnız mətn forması olmadığını, həm də hüquqi təfəkkürün ifadəsi kimi mühüm rol oynadığını vurğulayıb. Təlimdə hüquqi üslubun dəqiqliyi, sadəliyi və aydınlığının vacibliyi, qanunlara və prosessual normalara uyğunluq prinsipləri iştirakçılara nəzəri və praktiki nümunələr əsasında izah edilib.

Təlimin sonunda Femida Könüllülərinin maraqlandıran sualları cavablandırılıb, onlara hüquqi yazı bacarıqlarını təkmilləşdirmək üçün tövsiyələr verilib.